string(87) "nderhyrje-te-paligjshme-ne-e-mailet-e-prokuroreve-spak-sistemi-i-it-se-nuk-eshte-cenuar"

Ndërhyrje të paligjshme në e-mailet e prokurorëve, SPAK: Sistemi i IT-së nuk është cenuar

Shqiperi

Gazeta Express

03/04/2025 13:55

Prokuroria e Posaçme Kundër Korrupsionit dhe Krimit të Organizuar (SPAK) ka reaguar në lidhje me ndërhyrjen e paligjshme në adresat e e-mail-eve të disa prokurorëve, duke sqaruar se sistemi i brendshëm i IT-së mbetet i pacenuar.

“Në datën 12 mars 2025, SPAK mori informacion se adresat e e-mail-eve të disa prokurorëve të posaçëm ishin vënë në shënjestër të një sulmi kibernetik. Falë masave të sigurisë, nuk u arrit të ndërhyhej në sistemin e brendshëm të institucionit, i cili mbetet i paprekur”, thuhet në njoftimin zyrtar të SPAK.

Sipas burimeve nga hetimi, sulmuesit kanë mundur të marrin disa informacione nga e-mail-et e prokurorëve, por pa aksesuar dosje hetimore. “Personat përgjegjës kanë tentuar gjithashtu të depërtojnë në e-mail-in e Drejtuesit të Prokurorisë së Posaçme, Altin Dumani, por pa sukses”, bën me dije SPAK.

Lexo Edhe:

Brenda 24 orëve nga zbulimi i ndërhyrjes, hetuesit kanë identifikuar dhe vënë në pranga dy persona.

Njëri prej tyre ka realizuar ndërhyrjen në e-mail-e, ndërsa tjetri ka shpërndarë informacionin e marrë tek persona të tretë”, sqaron SPAK.

Në vijim të hetimeve, SPAK ka ndërmarrë një kontroll të brendshëm administrativ, i cili ka konfirmuar se infrastruktura e IT-së së institucionit nuk është komprometuar. “Për të garantuar sigurinë maksimale, janë marrë masa shtesë për forcimin e protokolleve mbrojtëse”, thuhet më tej në njoftim.