“Në fletë votimi keni Like Floririn”, Rama në Durrës: Berisha-Meta, zorrë qorre e Shqipërisë

Shqiperi

Gazeta Express

24/04/2023 12:00

Kryeministri Edi Rama është ndalur sot në Durrës, ku vijon fushatën në krah kryebashkiakes së Durrësit Emiriana Sako.

Rama u shpreh se kandidati i koalicionit “Bashkë Fitojmë” Igli Cara mund të jetë djalë i mirë, por për punë duhet një grua. Kryeministri shtoi se nuk e kupton se si ka njerëz që shkojnë ende pas Berishës që nuk e përmend me emër por i referohet si ‘non grata’ ose ‘Baca’.

“Ajo që duhet është më shumë  sesa ju të votoni për Anin, sepse kjo s’ka diskutim ju e keni nda mendjen. Unë këtë se konsideroj si të mjaftueshme, ju të merrni më tepër vota sesa familja juaj për Ani, që t’i ftoni të gjithë që ta votojnë.

Po të mos ishte vota do ishin derrat, rosat dhe buallicat që hanin mes plehrave, ajo pamje ferri mos të ishte vota s’do ishim duke mbjellë pemë, do ishim duke sharë, duke ndotur autistikisht mjedisin. Se po të mos ja vlente vota, s’do kishte ndryshim.

S’ka rëndësi kush është i majtë dhe i djathtë për punët e mira duhen ata që e bëjnë punën më mirë. Kur ke një zgjedhje mes një grua dhe një burri si mund të zgjedhësh një burrë, unë se kuptoj dot. Durrësi është sot me i pastri i Shqipërisë.

Ai çuni i mirë, nuk është i mirë që vë emrin, reputacionin e traditën e emrit të vetë, zorrës qorre. Berisha dhe Meta janë zorrë qorre të Shqipërisë. Sesi mund të jesh ende me Non Gratën unë se kuptoj. Në fletë votimi është Like Floriri, nuk është ‘Baca’. Po për çfarë do e votosh këta, këta që duan të bëjnë betejë me qeverinë Tiranë dhe ta kthejnë Bashkinë në Kështjellë? Kjo s’i duhet asnjë demokrati të Durrësit, fare. Ne jemi në një proces që po bëjmë punë të mëdha.”- tha Rama. 

Përsëri Rama theksoi se në rast se fitoren në bashkinë Durrës e merr kandidati opozitar Igli Cara dhe jo Emiriana Sako, qeveria nuk do të ketë bashkëpunim me ta.

“Edhe me dasht me bashkëpunu me ta, nuk dinë, plus edhe nuk duan e kompletohet e gjitha. Durrsakët s’duhet të shohin majtas e djathtas. Këto janë zgjedhje për të bërë më shumë punë. Kjo është zgjedhje. Nuk është a je me PS apo PD se nuk ka edhe me PD apo me atë zorrën qorre. Kjo është zgjedhje, me të ardhmen apo të shkuarën, do të shkosh përpara apo të kthehesh mbrapa”, tha Rama.

/Gazeta Express