Në Gjykatën Penale sot do të dëshmojë babai i Vanja Gjorçevskës

Maqedoni

Gazeta Express

07/04/2025 11:58

Në seancën e sotme për vrasjen e dyfishtë do të dëshmojë Aleksandar Gjorçevski, babai i të vrarës Vanja Gjorçevska. Gjorçevski po gjykohet për ndihmë në rrëmbimin e vajzës së tij, e cila u vra brutalisht më 27 nëntor 2023.

I akuzuari i parë është Ljupço Palevski – Palço, së bashku me Bore Videvski, Velibor Manev dhe Vlatko Keshishov dhe babai i Vanjës.

Sipas aktakuzës, ata së bashku e kishin planifikuar rrëmbimin e vajzës 14-vjeçare për të detyruar një anëtar të familjes së saj të ngushtë që t’i jepte para për shpërblimin dhe rrëmbimin e Zhezhovskit me qëllim që ta detyronin t’u jepte automjetin e tij “Citroen” për ta përdorur për të rrëmbyer fëmijën në Shkup.

Në Gjykatën Penale Gjorçevski sot duhet të përgjigjet nëse e ka njoftuar Palevskin se më 27 nëntor 2023 vajza e tij do të shkojë e vetme në shkollë.