Një burrë gjen një pesëlirësh dhe një zinxhir te stacioni i autobusëve, Policia kërkon personin që i kanë humbur

Lajme

Gazeta Express

05/10/2023 10:07

Policia e Kosovës ka njoftuar se dje në stacionin e policisë në Viti, është paraqitur një qytetar i cili ka njoftuar se afër stacionit të autobusëve në Prishtinë me datën 03.10.2023 ka gjetur një sasi ari (një pesëlirësh dhe një zinxhir) dhe të njëjtat i ka dorëzuar në stacionin e Policisë në Viti.

Policia ka publikuar në faqen e saj fotografi të pesëlirëshit dhe zinxhirit dhe ka kërkuar nga personi që i kanë humbur që të lajmërohet në stacion.

“Me këtë rast Drejtoria rajonale e Policisë në Gjilan kërkon mirëkuptim nga mediat që shkresën së bashku me fotot e bashkangjitura të e shpërndaj tek qytetarët në mënyrë që personi i cili besohet që ka humbur arin e lartcekur të paraqitet në Stacioni Policor Viti. Drejtoria rajonale e Policisë në Gjilan, falënderon qytetarin për veprimin e ndershëm dhe nivelin e lartë të përgjegjësisë qytetare. Po ashtu apelojmë tek qytetarët qё shembuj tё tillë tё bashkëpunimit me Policinë e Kosovës tё vazhdojnë edhe nё tё ardhmen”, thuhet në njoftim.