Një film me skena dashurie me Tolgahan Sayisman, Almeda Abazi me përgjigje interesante

Rozë

Gazeta Express

03/07/2024 10:47

Aktorja shqiptare që jeton dhe vepron në Turqi, Almeda Abazi, ka qenë e ftuar në “Pushime On Top”, ku ka ndarë më të rejat rreth jetës dhe karrierës profesionale.

Në një nga pyetjet gjatë intervistës, moderatorja Lei Kraja i kërkoi të ndante momentet më të bukura dhe më të vështira me partnerin e saj, Tolgahan Sayisman.

“Momente të bukura janë pafund. Gjëja e parë që më vjen në mendje është lindja e Efes dhe Alinës. Më të bukur nuk ka, momente më të bukura nuk ka. Sigurisht që janë momentet tona, martesa e të gjitha, por këto të dyja janë në vend të parë”, tha ajo.

Sa i përket momenteve të vështira, Almeda tha se kanë pasur ulje-ngritje si çdo çift, por që i kanë tejkaluar të gjitha.

Një tjetër pyetje kishte të bënte me atë nëse do të luante në një film me Tolgën, madje të arrinte një skenë dashurie mes tyre.

“Nuk e di a do të doja të luaja se me thënë të drejtën kemi pasur shumë oferta, por setet janë shumë të vështira. I bie të harrosh shtëpinë sepse Tolga është i ikur, i bie të jem edhe unë e ikur, më shumë për këtë gjë dhe nuk dua që 24 orë të jemi bashkë”, theksoi ndër tjerash bukuroshja shqiptare.

Ata kanë bashkë dy fëmijë: një djalë dhe një vajzë.