Notat e lojtarëve të ndeshjes Angli – Shqipëri

Sport

Gazeta Express

21/03/2025 22:59

Kombëtarja e Shqipërisë ka pësuar humbje me rezultat 2-0 në udhëtim ndaj Anglisë në kuadër të rrethit të parë kualifikues për Botërorin e vitit 2026. 

Golat në këtë takim për ‘Tre Luanët’ i realizuan Myles Lewis-Skelly dhe Harry Kane, për të marrë fitoren e parë nën udhëheqjen e Thomas Tuchel. 

Lojtari më i mirë në këtë ndeshje sipas Sofascore ishte Harry Kane, i cili u vlerësua me notën 8.2 për golin dhe paraqitjen e tij në këtë takim. 

Përveç tij me paraqitje tejet të mira u vlerësuan edhe Declan Rice (8.1), Dan Burn (8.2) dhe Jude Bellingham (7.9). 

Në anën tjetër tek Shqipëria lojtari më i vlerësuar ishte Berat Gjimshiti, i cili mori notën 7.6 për të gjitha përpjekjet e tij në qendër të mbrojtjes. 

Dështimi i ndeshjes fatkeqësisht doli të jetë Jasir Asani i cili për 78 minuta lojë u vlerësua me notën 6.0.