“Nuk do të jetë befasi edhe me mbet me 0 pikë” – Avdyli: S’duhet nënçmuar Italia

Sport

Gazeta Express

14/06/2024 0:29

Emisioni “Favoriti i Europianit” nis sonte maratonën, e cila do të ju përcjellë në shtëpitë tuaja për një muaj rresht.

E në emisionin e sotëm, gazetari Arbër Avdyli thotë se pritshmëritë duhët të ulen para ndeshjes me Italinë.

“Sylvinho duhet të punojë me lojtarët, duhet të ulë euforinë te ta, sepse Italia është kampione e Europës, nuk duhet nënçmuar”, tha ai.

Tutje, ai tha se Shqipëria po të mbetet me 0 pikë nuk do të jetë befasuese.

Avdyli komentoi edhe lojtarët e Superligës së Kosovës që luajnë te kombëtarja shqiptare.

“Aty do të jenë edhe disa lojtarë të Superligës së Kosovës, do të jetë kënaqësi t’i shoh me fanellën kuqezi”, përfundoi ai./GazetaExpress/