“Nuk donin të më nxirrnin mua dhe Jozin”, për çfarë u revoltua Ola?

TV/Film

Gazeta Express

06/03/2025 21:18

Një ngjarje e papritur ka shpërthyer brenda shtëpisë së “Big Brother VIP 4” pas aktivitetit “Miss dhe Mr. Bikini”

Një ngjarje e papritur ka shpërthyer brenda shtëpisë së “Big Brother VIP 4” pas aktivitetit “Miss dhe Mr. Bikini”, i cili u organizua dhe zhvillua nga vetë banorët me shumë energji të mirë dhe humor.

Pas një konkurrimi të fortë, Aldo dhe Mikela u shpallën fitues, ndërsa Gjesti dhe Rozana nuk u përfshinë në garë, por vendosën të qëndronin si publik.

Të tjerë banorë kanë shprehur pakënaqësi lidhur me mënyrën se si u menaxhua aktiviteti dhe shpallja e fituesve.

Ola, njëra nga konkurrentet, e shprehu hapur pakënaqësinë e saj, duke thënë:

“Nuk donin të më nxirrnin mua dhe Jozin. Nxorrën Aldon mister bikini, ndërkohë ishte i mbuluar, dhe ajo tjetra e mbuluar. Është miss bikini, jo kush është mbuluar më shumë. Juri me kot nuk kam parë, hipokritë”.

Këto deklarata kanë ngjallur reagime të shumta mes banorëve të tjerë, duke e kthyer aktivitetin në një pikë të nxehtë diskutimi.