Nuk ktheu në detyrë drejtorin e Ujësjellësit pas vendimit të Gjykatës, Bardh Spahia shkon për gjykim: Akuzë qesharake

Shqiperi

Gazeta Express

02/04/2025 16:44

Ish-kryebashkiaku i Shkodrës, Bardh Spahia, është dërguar në gjyq me akuzën për “pengim të ekzekutimit të vendimeve të gjykatës”.

Ky veprim është pasuar nga një hetim i nisur nga kallzimi i Mark Mollës, ish-drejtor i Ujësjellësit të Shkodrës, i cili ishte shkarkuar nga detyra dhe kishte fituar në gjykatë të drejtën e kthimit në post, por vendimi nuk u zbatua nga Spahia.

Gjatë seancës paraprake, ish-kryebashkiaku kërkoi që çështja të pushonte, duke argumentuar se fakti nuk ekzistonte, por gjykata e antikorrupsionit ka miratuar procedurën dhe e dërgoi çështjen në proces të zakonshëm.

Ky është rasti i parë kur një ish-zyrtar i lartë përballet me akuzë për moszbatimin e një vendimi gjykate në lidhje me marrëdhëniet e punës.