Osmani flet për herë të parë për draftin e Ramës dhe anulimin e mbledhjes

Shqiperi

Gazeta Express

14/06/2023 17:37

Presidentja e Kosovës, Vjosa Osmani ditën e sotme ka reaguar për herë të parë lidhur me draftin për Asociacionin i propozuar nga kryeministri i Shqipërisë, Edi Rama. Ajo tha se drafti për Asociacionin për komunat me shumicë serbe nuk është ndarë me institucionet e vendit.

Sa i përket anulimit të mbledhjes së përbashkët mes qeverisë së Kosovës dhe asaj të Shqipërisë, Vjosa Osmani refuzoi të komentoi duke thënë se kjo është çështje mes dy qeverive.

“Jam e bindur se Kosova e Shqipëria do të ulën bashkë, duhet të ulën bashkë. Jo vetëm që e kemi detyrim si dy vende që janë fqinjë, por si dy motra.

Është detyrim kombëtar të punojmë me njëra-tjetrën edhe kur nuk kemi sfida, por sidomos kur kemi sfida”, tha Osmani, raporton Klan Kosova.

/Gazeta Express