Pamje të rënda: Plagët e 9-vjeçares që u kafshua nga qentë endacakë në Prishtinë

Gazeta Express

28/07/2020 7:08

Një fëmijë ka qenë cak i sulmeve të qenve endacakë mbrëmë në Prishtinë

9-vjeçarja është kafshuar nga këto kafshë, derisa ka marrë plagë të rënda.

Rasti ka ndodhur në rrugën “Sylejman Vokshi”, ndërsa vogëlushja është marrë me autoambulancë dhe është dërguar për trajtim në Emergjencë në QKUK.

Indeksonline sjell pamje të trishtueshme, të trupit të fëmijës, ku shihen plagët e rënda.

Ajo është jashtë rrezikut për jetë, derisa është vetëm një nga viktimat e këtyre kafshëve që vazhdojnë të sillen me turma lartë e poshtë.

Pavarësisht disa iniciativave e premtimeve të shumta nga kryetarë komunash, qentë endacakë vazhdojnë të paraqesin rrezik për qytetarët. Ndonëse shpesh është kërkuar një zgjidhje për këtë problem, një gjë e tillë nuk është bërë akoma.