Përfundon takimi dy orësh i Escobarit me liderët opozitarë kosovarë

Lajme

Gazeta Express

23/08/2022 21:56

Takimi i të dërguarit special amerikan Gabriel Escobar me liderët opozitarë kosovarë ka përfunduar rreth orës 21.00.

Merret vesh se ky takim që u zhvillua në rezidencën e ambasadorit amerikan Jeff Hovenier, ka filluar që nga ora 19.00.

Ai takoi kryetarin e PDK-së, Memli Krasniqi, kryetarin e LDK-së, Lumir Abdixhiku dhe kryetarin e AAK-së, Ramush Haradinaj.

Escobar vjen në Kosovë në një situatë të tensionuar, që është bërë edhe më  e thellë, pas dështimit për arritjen e një marrëveshjeje në Bruksel, ku javën e kaluar u takuan kryeministri Albin Kurti dhe presidenti Aleksandar Vuçiq.