Përjashtimi nga Kosova, Zhegrova fshin foton e fundit me fanellën dardane dhe i bën ‘unfollow’ FFK-së

Sport

Gazeta Express

08/09/2024 16:17

Gjatë ditës së sotme, me vendim të përbashkët të përzgjedhësit Franco Foda dhe Federatës së Futbollit të Kosovës janë përjashtuar tre lojtar nga kombëtarja.

Sipas FFK-së ata kanë thyer rregullat që i kishte caktuar përzgjedhësi Foda dhe stafi i kombëtares, shkruan Gazeta Express.

Këta tre futbollistë janë Edon Zhegrova, Florent Muslija dhe portieri Aro Muric.

Ndërkohë, anësori i Lille pas kësaj situate ka reaguar ku edhe ka fshirë postimin e tij në rrjetin social Instagram, që e kishte postuar pas humbjes nga Rumania.

Madje ai i ka bërë ‘unfollow’ edhe faqes zyrtare të FFK-së në Instagram.

“Do të kthehemi më të fortë. Faleminderit gjithë juve që në përkrahni”, shkruhej në postimin e Zhegrovës.

Në profilin e tij kanë mbetur vetëm disa foto dhe video të vjetra të tij me fanellën dardane.

Kombëtarja e Kosovës disa orë më parë është nisur drejt Qipros për ndeshjen e nesërme që e zhvillon në kuadër të Ligës së Kombeve./Gazeta Express