Pjesa e parë: Danimarka në epërsi ndaj Sllovenisë, Eriksen heroi

Futboll

Gazeta Express

16/06/2024 18:51

Ka përfunduar pjesa e parë e ndeshjes mes Sllovenisë dhe Danimarkës, e vlefshme për Kampionatin Evropian.

Rezultati pas 45 minutave të parë është 0:1 për danezët, shkruan Gazeta Express.

Goli i vetëm i ndeshjes erdhi në minutën e 17-të kur shënoi mesfushori Christian Eriksen.

E ky gol është jashtëzakonisht i rëndësishëm për të dhe frymëzues për të gjithë.

Christian Eriksen kishte pësuar sulm në zemër në ndeshjen e parë të Danimarkës në Euro 2021.

Ndërsa sot, në ndeshjen e parë të tij në të njëjtin kompeticion, ai shënoi gol që po e mban në avantazh kombin e tij.