Po kritikohet nga të gjithë, por Southgate e theu një rekord të madh mbrëmë

Futboll

Gazeta Express

01/07/2024 12:50

Anglia arriti mbrëmë që me mund të madh të kualifikohet në çerekfinale të Kampionatit Evropian.

“Tre Luanët” triumfuan 2:1 pas vazhdimeve ndaj Sllovakisë që ishte në epërsi deri në sekondat e fundit të kohës së rregullt.

Ndërsa, përzgjedhësi i Anglisë, Gareth Southgate e theu një rekord të madh me kualifikimin e djeshëm.

Ai tani ka fituar më shumë ndeshje të fazës së eliminimit direkt në turne madhorë sesa çdo trajner tjetër i Anglisë prej vitit 1966 së bashku.

Gareth Southgate has now won more knockout games in major tournaments than EVERY other England manager since 1966 combined… 🤯 pic.twitter.com/yN7wgh9V7N

— Football on TNT Sports (@footballontnt) July 1, 2024

Southgate po merr kritika të mëdha për mënyrën e lojës së Anglisë, e cila ishte konsideruar favorite e madhe për të triumfuar në këtë Evropian.