string(79) "policia-kufitare-ndihmon-pjesetarin-e-ekuipazhit-te-nje-mjeti-lundrues-ne-vlore"

Shqiperi

Gazeta Express

03/04/2025 14:49

Policia kufitare ndihmon pjesëtarin e ekuipazhit të një mjeti lundrues në Vlorë

Shqiperi

Gazeta Express

03/04/2025 14:49

Policia Kufitare e Vlorës ka ndërhyrë me shpejtësi për të ndihmuar një pjesëtar të ekuipazhit të një mjeti lundrues, i cili kishte pësuar një dëmtim në dorë pas kontaktit me një kavo.

Sipas informacioneve zyrtare, mëngjesin e sotëm, Salla e Komandimit e Policisë së Vlorës mori një njoftim urgjent nga një mjet lundrues që ndodhej rreth 5.2 milje larg bregut, në Gjirin e Vlorës, duke kërkuar ndihmë për një person të plagosur.

Lexo Edhe:

Menjëherë, një mjet i Policisë Kufitare u nis drejt vendndodhjes së mjetit në nevojë. Pasi u lokalizua, shërbimet policore ofruan ndihmën e parë për pjesëtarin e ekuipazhit dhe më pas e transportuan atë drejt portit të Vlorës. I dëmtuari iu dorëzua ekipit mjekësor për trajtim të specializuar.

Policia Kufitare e Vlorës rithekson angazhimin e saj për të garantuar sigurinë në det dhe për të ofruar asistencë të menjëhershme në çdo rast emergjence.