Policia u kërkon ndihmë qytetarëve për identifikimin e këtij personi, dyshohet për përdorim të armës e armëmbajtje pa leje

Lajme

Gazeta Express

30/04/2025 10:32

Policia e Kosovës, ka kërkuar ndihmë nga qytetarët për identifikimin e një personi i cili po kërkohet për përdorim të armës dhe armëmbajtje pa leje, shkruan Gazeta Express.

Policia ka bërë të ditur edhe se, fotografinë e personit e ka publikuar me autorizim nga prokuroria kompetente.

Komunikata:

Kërkesë për bashkëpunim – identifikim e personit të dyshuar

Sektori i Hetimeve të Kryeqytetit, me autorizim nga prokuroria kompetente, kërkon ndihmë nga qytetarët në ofrimin e informatave, të cilat do të ndihmonin në identifikimin e personit që shihet në fotografi.

Personi i dyshuar kërkohen për përfshirje veprat Përdorim i armës dhe armëmbajtje pa leje.

Të nderuar, për çdo informatë që mund të çojë në identifikimin e tij, ju lusim të kontaktoni policinë në numrin e telefonit: 192 ose përmes emailit: [email protected]. /GazetaExpress