Presidentja meksikane: Ne nuk pajtohemi me projeksionin e FMN-së që ekonomia jonë do të tkurret

Lajme

Gazeta Express

22/04/2025 19:52

Presidentja meksikane Claudia Sheinbaum thotë se nuk pajtohet me parashikimin e FMN-së se ekonomia e Meksikës do të tkurret këtë vit.

“Ne nuk e dimë se në çfarë bazohet. Nuk pajtohemi… ne kemi modelet tona ekonomike, të cilat i ka ministria e financave, që nuk përkojnë me këtë projeksion,” thotë ajo gjatë një konference të përditshme për shtyp.

Në fillim të këtij muaji, qeveria meksikane parashikoi se ekonomia do të rritej midis 1.5% dhe 2.3% këtë vit, në një projekt-buxhet nga ministria e financave.

Por Perspektiva Ekonomike Botërore e FMN-së – e publikuar sot – parashikon se ekonomia e Meksikës do të tkurret me 0.3% këtë vit, krahasuar me parashikimin e saj të mëparshëm prej 1.4% rritje, ka raportuar BBC, transmeton Gazeta Express.