Prishtinë: Ia grabisin paratë dhe çelësat e veturës me dhunë

Gazeta Express

17/12/2019 13:04

Një person ka raportuar në stacionin policor në Prishtinë se dy persona e kanë ndalur në rrugë dhe i kanë grabitur para si dhe çelësat e veturës

Rasti ka ndodhur pasditen e së hënës në rrugën “Hamëz Jashari” derisa ka qenë duke ecur këmbë, dy persona, njëri i njohur për ankuesin, me dhunë ia kanë grabitur 50 euro para dhe çelësat e veturës, pastaj janë larguar në drejtim të panjohur.

Dyshohet se motiv i grabitjes ishte një borxh i mëhershëm që viktima kishte ndaj të dyshuarit./Express/