Festa për ndërrimin e moteve ishte e zbehtë në Mitrovicë.
Përkundër dekorimeve, sheshet e qytetit ishin të zbrazëta pak orë para ndërrimit të moteve.
Derisa në qendër të Mitrovicës situata ishte e qetë, atmosferë festive në vendet e tyre të punës kanë krijuar punëtorët e Emergjencës dhe të Brigadës së Zjarrfikësve, raporton KTV.
Vitin 2020, në gjendje gatishmërie për çfarëdo intervenimi, e kanë pritur kujdestarët e Qendrës emergjente.
Viti që lamë pas nuk ishte i lehtë për ta.
Orët e fundit të 2019-s, në Emergjencë i ka kaluar edhe pacienti Adem Musliu.
Në gjendje gatishmërie ishte edhe Brigada e Zjarrfikësve në Mitrovicë.
Për shumicën prej tyre kjo nuk ishte hera e parë që e presin në vend të punës ndërrimin e viteve.
Më pak raste për të intervenuar, ishin urimet e punëtorëve të mjekësisë emergjente e të zjarrfikësve në këtë qytet.