Prizrenasit me epërsi prej 22 pikëve nga ndeshja e parë

Basketboll

Gazeta Express

05/12/2024 23:23

Bashkimi ka shënuar fitore bindëse ndaj Borës me rezultat 66:88 (20:30, 19:15, 13:28, 14:15), në duelin e parë çerekfinal të Kupës së Kosovës.

Vetëm pesë minutat e parë ishin të barabartë, ku më pas prizrenasit filluan shkëputjen dhe fituan çerekun e parë 20:30. Periudha e dytë ishte më e barabartë 19:15, por Portokallezinjtë u shkëputën sërish në periodën e tretë dhe në dhjetë minutat e fundit ruajtën epërsinë për të fituar 66:88.

Vonterius Woolbright ishte më i miri te vendasit me 17 pikë e nëntë kërcime, ndërsa te mysafirët u dalluan Mack Smith me 20 pikë dhe Robert Rikiq me 14 pikë e dhjetë kërcime.

Bashkimi ka epërsi prej 22 pikëve nga sfida e parë dhe ka bërë një hap të madh drejt gjysmëfinales.