Projeksionimi Narrativ në Vushtrri

Arte

Gazeta Express

26/03/2025 14:22

Në emër të projektit ‘Tu pa, Tu bo’, respektivisht Universitetit të Lundit, Future by Lund, UN-Habitat Kosova, Anibar dhe nën patronatin e Ministrisë së Kulturës, organizohet performanca “projeksionimi narrativ”, i cili do të shfaqet në fasadën e ish-Gjykatës në Vushtrri, më 2 prill nga ora 18:30.

Përtej ngritjes së vetëdijes, projeksionimi narrativ thekson gjithashtu potencialin e pashfrytëzuar të sektorit të industrisë kreative si një shtytës i zhvillimit ekonomik.

Duke shfaqur ndërthurjen e teknologjisë, artit, arkitekturës dhe trashëgimisë, kjo ngjarje synon të frymëzojë mundësitë e reja për zhvillimin e kapaciteteve, ndërtimin e shkathtësive dhe gjenerimin e vendeve të punës—veçanërisht për të rinjtë që synojnë karriera në artet digjitale, animacion dhe prodhim kulturor. Në kuadër të kësaj përpjekjeje më të gjerë, projeksionimi narrativ shërben si një thirrje për veprim për mbrojtjen institucionale dhe të qëndrueshme të aseteve të trashëgimisë kulturore të Kosovës, duke pozicionuar industrinë kreative si një kontribuese kyç në zhvillimin e ardhshëm të vendit.