Projekti për stadiumin “Selman Stërmasi”, Rama: Hap përpara për zhvillimin e infrastrukturës urbane në Shqipëri

Shqiperi

Gazeta Express

04/04/2025 12:49

Sot, në Tiranë po zhvillohet faza finale e garës ndërkombëtare për projektin e rilindjes së stadiumit “Selman Stërmasi”, ku pesë skuadrat finaliste do të prezantojnë para jurisë konceptet arkitektonike për një stadium të ri.

Në fjalën e tij, Kryeministri Edi Rama theksoi se ky projekt përbën një zhvillim të rëndësishëm për Tiranën, duke e kthyer stadiumin “Selman Stërmasi” në një bërthamë të një zone të re urbane. Ai theksoi gjithashtu se ky projekt është pjesë e një iniciative më të gjerë, që ka përfshirë zhvillimin e tri stadiumeve të tjera në Durrës, Vlorë dhe Korçë.

“Pas stadiumeve të reja në Durrës, Vlorë dhe Korçë, ky projekt do të sjellë një tjetër hap përpara për zhvillimin e infrastrukturës sportive dhe urbane në Shqipëri”, tha Rama.

Kryeministri gjithashtu nënvizoi se stadiumi “Selman Stërmasi” do të jetë një pjesë kyçe e këtij transformimi dhe se ai do të sjellë një nivel të ri të zhvillimit urban në Tiranë.