Pulisic me ‘arritje’ të re me Milanin, pas golit ndaj Veronas në fundjavë

Futboll

Gazeta Express

29/12/2025 17:40

Christian Pulisic ka qenë i përfshirë drejtpërdrejt në 50 gola të Milanit në 80 paraqitje në Serie A, duke u renditur i dyti më i miri në ligë gjatë tre sezoneve të fundit, pas Lautaro Martinez.

Goli i tij i fundit kundër Hellas Veronës të dielën shënoi kontributin e 50-të të Pulisic në gola në Serie A me fanellën e Milanit.

Ylli amerikan ka zhvilluar 80 ndeshje kampionati për Rossonerët, 67 prej tyre si titullar, duke luajtur 5,632 minuta që nga sezoni 2023-24.

Të dielën, ai kontribuoi në fitoren 3-0 në shtëpi ndaj Veronës.

Gjatë dy vitesh e gjysmë qëndrimi në “San Siro”, Pulisic ka realizuar 31 gola dhe ka dhënë 19 asistime në Serie A.

Sipas raportimit të “Opta” në rrjetin social “X”, vetëm kapiteni i Interit, Lautaro Martinez, ka pasur më shumë kontribute në gola në të njëjtën periudhë, me 54.

Lautaro dhe Pulisic janë gjithashtu golashënuesit më të mirë në Serie A deri tani këtë sezon: kapiteni i Interit ka shënuar nëntë gola, ndërsa Pulisic ka realizuar tetë.

Milani ndodhet në vendin e dytë në tabelën e Serie A, por vetëm një pikë pas rivalëve të qytetit./GazetaExpress/