Putin shpall armëpushimin treditor

Lajme

Gazeta Express

28/04/2025 13:50

Vladimir Putin ka shpallur një armëpushim tre-ditor në Ukrainë midis 8 dhe 10 majit. Kremlini tha se pret që Ukraina t’i përgjigjet armëpushimit, por tha se do t’i përgjigjet çdo “shkeljeje”. Armëpushimi do të mbulojë Ditën e Fitores së Rusisë më 9 maj që shënon fundin e Luftës së Dytë Botërore, njofton The Telegraph, përcjellë Gazeta Express.

Armëpushimi i dytë brenda një muaji

Armëpushimi i papritur i shpallur nga Vladimir Putin do të jetë i dyti që do të ndodhë brenda një muaji. Armëpushimi i mëparshëm u bë gjatë Pashkëve më pak se dy javë më parë.

Volodymyr Zelensky akuzoi Putinin për “2000 shkelje” dhe bëri thirrje që armëpushimi të zgjatet për 30 ditë.