Qeveria: Vendimi i SHBA-së për tarifat doganore nuk do të ketë ndikim të madh në ekonominë tonë, por ne kemi një plan të përgatitur për tejkalimin e situatës

Maqedoni

Gazeta Express

03/04/2025 16:08

Nga Qeveria e Maqedonisë kanë reaguar pas vendosje së tarifave nga SHBA. Ata thonë se bëhet fjalë për një vendim të pritshëm e cila nuk e ka anashkaluar asnjë vend në botë – madje as Mbretërinë e Bashkuar, Kanadanë, Bashkimin Evropian dhe qindra vende të tjera.
“Ekipet qeveritare prej disa kohësh po analizojnë pasojat e mundshme dhe së bashku kemi një plan të përgatitur për tejkalimin e situatës. Ky vendim nuk do të ketë ndikim të madh në ekonominë tonë, por ne kemi një plan të qartë për hapat e ardhshëm.
Kontaktet me administratën amerikane tashmë janë vendosur dhe do të vazhdojnë në nivel të lartë, ndërsa Qeveria do të punojë për gjetjen e një zgjidhjeje dhe zbatimin e planit.
Ajo që është e rëndësishme të theksohet është se nuk ka nevojë për panik apo për reagime dhe përfundime të nxituara. Bëhet fjalë për diçka të paralajmëruar prej kohësh nga kjo administratë, dhe asnjë vend nuk është anashkaluar – madje as partnerët më të vjetër dhe më tradicionalë të SHBA-së.
Ky është një përpjekje për rinegocimin e marrëdhënieve tregtare në botë – diçka që ishte e nevojshme dhe që, edhe pse tani për disa përbën një tronditje, për të tjerët do të jetë një mundësi.
E dimë që kjo situatë është një shans për shumë njerëz që nuk i duan të mirën Qeverisë të sulmojnë pa bazë dhe të përpiqen të dëmtojnë imazhin tonë – qoftë për interesa personale, qoftë për qëllime partiake, qoftë për shkak të pasigurisë. Disa edhe për shkak të dilemave të arsyeshme – dhe ata i kuptojmë plotësisht.
Sulmet që dëgjojmë nga grupi i parë i përmendur nuk janë asgjë e re. Janë të pritshme, dhe ata nuk dinë asgjë më mirë se kaq. Por ne do t’i përballojmë edhe këto sulme dhe do të dalim më të fortë – do të bindeni për këtë.”, thuhet në komunikatën e Qeverisë.