Radar: Rojet e sigurisë së Milan Radoiçiqit kanë aksidentuar rëndë një çift të moshuar në Serbi, rasti u mbajt i fshehur

Lajme

Gazeta Express

02/04/2025 7:25

Në rrugën Brus – Kopaonik në Serbi, më datë 21 të muajit të kaluar ka ndodhur një aksident trafiku ku ka mbetur i plagosur rëndë një çift i moshuar. Por asnjë media nuk raportoi për këtë.

Një çift i moshuar mbetën të plagosur rëndë, kur makina ‘Lada’ e tyre është goditur nga një makinë e tipit ‘Skodë’ që po parakalonte të moshuarit. Aksidentin thueht se er shkaktuan dy të rin, emrat e të cilëve nuk janë publikuar por që mbeten të njohur për redaksinë e Radar.

Lajmi për këtë aksident trafiku përveç që nuk është publikuar gjëkundi, është e pazakontë edhe fakti se drejtuesi i veturës dhe pasagjeri, sipas Radarit, nuk janë ndaluar dhe as kanë kaluar procedurën e zakonshme policore për aksidente me lëndime të rënda.

Sipas Radarit, drejtuesi dhe pasagjeri i limuzinës ‘Shkoda’ nuk kanë pësuar lëndime, ndërsa drejtuesi i mjetit ‘Lada’ ka pësuar lëndime të rënda dhe ndodhet në rrezik për jetën.

Edhe gruaja e tij është plagosur rëndë dhe ka fraktura. Çifti i plagosur, emrat e të cilëve janë të njohur edhe për redaksinë, janë nga Beogradi dhe ndodhen në terapi intensive.

Se lajmi për aksidentin rrugor nuk u publikua gjëkundi dhe se drejtuesi dhe pasagjeri i limuzinës ‘Shkoda’ nuk kanë kaluar procedurën e zakonshme policore, zbulohet nga informacionet jozyrtare që Radari ka marrë nga persona që ndodheshin në vendngjarje atë ditë pas aksidentit.

Sipas dëshmitarëve, të rinjtë që shkaktuan aksidentin e rëndë ishin anëtarë të ekipit të sigurimit të Milan Radoiçiqit, ish-nënkryetarit të Listës Serbe në Kosovë, i cili është i përfshirë dhe organizator kryesor që e mori përsipër sulmin terrorist në Banjskë në shtator të vitit 2023.

“A vërteton ky rast se ligjet e Serbisë nuk vlejnë për Milan Radoiçiqin dhe rrethin e tij, siç ishte rasti në Banjskë?”, pyet Radari serb.

Radoiçiq është mysafir i shpeshtë i Kopaonikut, ku ka pasur edhe lidhje biznesi. Pas Banjskës, ai hoqi dorë nga 40 për qind e pronësisë së tij në kompanitë e përbashkëta që kishte me kumbarin e tij Zvonko Veselinoviq dhe vëllain e kumbarit të tij Zharko Veselinoviq. Fitimi i këtyre kompanive ishte rekord për Serbinë. Kështu Radoiçiq hoqi dorë zyrtarisht nga bashkëpronësia e hotelit të famshëm në resortin më të madh të skive në Serbi.

Në qendër të Kopaonikut, rrëzë një prej pistave të skijimit, ndodhet hoteli Grey, i cilësuar në faqen e internetit si “i pajisur në mënyrë luksoze, me pesë yje”, me dhjetëra dhoma dhe apartamente, një pishinë, një qendër spa dhe një restorant. Pronari i ndërtesës dhe parcelës prej 25 hektarësh është kompania me bazë në Beograd Dolly Bell – një filial i Inkopa-s, në pronësi të mëparshme të vëllezërve Veselinoviq dhe Radoiciq.