Rama: 325 familje kanë aplikuar për 70 euro subvencionim për t’i regjistruar fëmijët në çerdhe, kemi ndarë 100 mijë euro

Lajme

Gazeta Express

22/09/2023 10:58

Kryetari i Komunës së Prishtinës, Përparim Rama, ka bërë të ditur se 325 familje kanë aplikuar për të përfituar 70 euro subvencionim nga komuna për regjistrimin e fëmijëve në çerdhe, raporton Express.

Për këtë qëllim, Rama ka thënë se janë ndarë 100 mijë euro, përkatësisht 125 fëmijë do të mund të regjistrohen në çerdhe falë ndihmës prej 70 euro.

Aplikimet do të shqyrtohen gjatë javës tjetër.

“325 familje kanë aplikuar për të përfituar 70 euro subvencionim nga Kryeqyteti për regjistrimin e fëmijëve në Institucione Parashkollore Private. Kemi ndarë 100.000 euro, që i bie 125 fëmijë do të mund të regjistrohen në çerdhe falë ndihmës prej 70 euro nga Kryeqyteti.📆Javën tjetër do të shqyrtohen aplikimet📝e më pas do të publikohet lista e përfituesve. Shumë i lumtur që po e realizojmë edhe një premtim tjetër të fushatës✅”, ka shkruar Rama.