Ramabaja insiston se Balje e ka takuar Radojiçiqin, i reagon pasi u padit: Në gjykatë ofroj informacione dhe burimin

Lajme

Gazeta Express

25/04/2025 17:46

Sadri Ramabaja, i është përgjigjur deputetes Duda Balje, pasi që kjo e paditi atë për shpifje, duke thënë se ai i qëndron deklaratës së tij dhe se me Baljen do të përballen në Gjykatë.

Ai ka deklaruar edhe se, gjykatës do t’i ripohoj deklaratën e tij, dhe se, do t’i ofrojë edhe informacione shtesë.

Postimi:

Zonja Duda Balje sulmi jo gjithmonë është mjet mbrojtjeje – Përballemi në Gyjaktë

Në përpjekjen e saj për gjoja raujtjen e “imazhit të dëmtuar”, deputetja Duda Balje më paska paditur për shpifje!

Këtë e mësova ndërkohë nga mediat dhe më pas edhe nga publikimi i padisë në faqen e saj në fb.

Ushtrimi i padisë është e drejtë qytetare. Këtë edhe deputetes në fjalë ia garanton kushtetuta e Republikës sonë.

Por, dinjiteti nuk mbrohet duke shfrytëzuar padinë si instrument sulmi dhe barikadimi.

Për atë që unë kam pohuar në emisnin Debat Plus më 7 prill 2025, e ripohoj: tutje qëndroj prapa asaj deklarate.

Për këtë me kënaqësi do të përballem me zonjën deputete në fjalë në Gjykatë.

Trupit gyjkues gjithësesi do t’i ofroj e ripohoj, përveç asaj që kam deklaruar në emisionin në fjalë, edhe informacione shtesë dhe gjithësesi burimin e informimit.

Po shpresoj, kësaj pune, paskëtaj, Gjykata do t’i shkojë deri në fund.