Raporti i SPAK 2024: Rënie e referimeve nga policia, rritje e denoncimeve nga qytetarët

Shqiperi

Gazeta Express

02/04/2025 22:29

Raporti i SPAK për vitin 2024 tregon një rënie shqetësuese të referimeve nga Policia e Shtetit me 53.8% krahasuar me 2023, ndërsa qytetarët janë bërë burimi kryesor i kallëzimeve me 37% të totalit. Në total, 132 hetime u hapën nga kallëzimet e individëve dhe institucioneve, duke shënuar një rritje me 36% nga viti paraardhës.

SPAK identifikoi 16 grupe kriminale aktive në disa qarqe, përfshirë Tiranën, Durrësin dhe Elbasanin, me anëtarë nga institucione shtetërore dhe media. Sekuestrimet u rritën ndjeshëm në 2024, duke arritur vlerën e 2.8 miliardë lekëve nga 1.9 miliardë në 2023, ndërsa konfiskimet ranë në numër, por u rritën në vlerë monetare (938 milionë lekë dhe 27.2 milionë euro).

Numri i çështjeve të çuara për gjykim nga SPAK arriti në 217, një rritje prej 22% nga 2023. Vendimet e fajësisë në GJKKO dhe Apel ishin 65 dhe 56 përkatësisht, ndërsa vendimet e pafajësisë ranë lehtë nga 8 në 7 raste.