string(129) "rasti-i-53-milioneshit-mbrojtja-e-njerit-te-akuzuar-kerkon-nga-psrk-ja-qe-ta-hetoje-ish-ministrin-zharku-per-deklarim-te-rrejshem"

Rasti i 53-milionëshit, mbrojtja e njërit të akuzuar kërkon nga PSRK-ja që ta hetojë ish-ministrin Zharku për deklarim të rrejshëm

Lajme

Gazeta Express

22/11/2023 16:49

Mbrojtësi i të akuzuarit Eset Berisha, avokati Afrim Salihu ka kërkuar nga Prokuroria Speciale e Republikës së Kosovës (PSRK), që të hetojë për deklarim të rrejshëm ish-ministrin e Infrastrukturës Lutfi Zharku, ngase si dëshmitar në rastin e 53 milionëshit sipas tij, nga provat që posedojnë del se para gjykatës ka bërë deklarim të rrejshëm.

Lidhur me këto pretendime avokati Salihu gjykatës i dorëzoi një sërë provash materiale që dëshmojë se dëshmitari Zharku ka bërë deklarim të rrejshëm., raporton “Betimi për Drejtësi” .

Lexo Edhe:

Paraprakisht mbrojtësi e të gjithë të akuzuarve një zëri kanë kundërshtuar provat e propozuara për administrim nga ana e PSRK-së pasi që sipas tyre, shpjegimet lidhur me to janë dhënë vetme për pjesë fajësuese të të akuzuarve duke mos përmendur dhe rrethanat shfajësuese.

Kurse mbrojtësi i të akuzuarit Besim Tahiri, avokati Urim Vokshi propozoi që të dëgjohen në cilësi të dëshmitarëve eksperti financiar Agim Sheqiri dhe një përfaqësues nga Komisioni Rregullativ i Prokurimit Publikë, propozim i cili u aprovua nga gjykata.

Ndërkaq, gjykata ka refuzuar propozimin e avokatit Salihu që në cilësi të dëshmitari të dëgjohet hetuesi policorë Aziz Salihu pasi që sipas gjykatës për çdo veprim të tij të ndërmarrë ka dorëzuar edhe raportet.