Rizvanolli e painformuar për tarifat dhe për reduktime

Lajme

Gazeta Express

07/06/2022 23:50

Gazetar: Unitet Berisha

Ministrja e Ekonomisë, Artane Rizvanolli thotë se tarifat janë obligim i ZRRE-së dhe se ajo duhet të vendos për to, megjithatë shton se do të angazhohet të gjejë një zgjidhje, kurse për paralajmërimet se mund të ketë reduktime shprehet e painformuar

Takimin më të shpeshtë me gazetarët e ka në konferencat që thërret dikasteri që udhëheq.

Kështu ministrja e Ekonomisë, Artane Rizvanolli për temën që trajton dhe jo vetëm, pranon jo pak pyetje.

Njëjtë ndodhi edhe këtë të martë, kur paraqiti planin për strategjinë e re të energjisë 2022 – 2031.

Meqë qytetarëve ende po u faturohen tarifat e larta, Artane Rizvanolli u pyet se si do faturohen në fund të këtij muaji.

Pas vendimit të Gjykatës së Apelit, KOSST ka paralajmëruar reduktime te energjisë elektrike.

Megjithatë kështu nuk thotë Artane Rizvanolli e cila madje shprehet e painformuar.

​Në këtë konferencë ministrja Rizvanolli shtoi se nga strategjia e energjisë, brenda tri viteve planifikohet prodhimi i 500 MW nga energjia e ripërtëritshme.