Roma merr vendim për Mourinhon, që po kërkohet të bëhet përzgjedhës i Portugalisë

Sport

Gazeta Express

16/12/2022 16:02

Roma nuk dëshiron të ndajë rrugët me Jose Mourinhon.

Së fundmi u raportuar se “Special One” është kandidati kryesor për të zëvendësuar Fernando Santosin te Kombëtarja e Portugalisë, transmeton Gazeta Express.

“Il Corriere Dello Sport” raportoi të premten në mëngjes se agjenti i Mourinhos, Jorge Mendes, kishte hapur bisedimet paraprake me Federatën e Futbollit të Portugalisë.

Megjithatë, sipas “Gazzetta dello Sport”, drejtuesit e Romës nuk duan të ndahen me 59-vjeçarin.

Por, nëse Mourinho dëshiron gjithsesi të bëhet përzgjedhës te Portugalia, klubi italian do të kërkojë dëmshpërblim nga Federata portugeze.

Jose Mourinho ka kontratë të vlefshme me Romën deri në verën e vitit 2024. /Gazeta Express/