Ronaldo me mesazh, pasi nëna e tij pësoi sulm në tru

Gazeta Express

03/03/2020 20:44

Ylli i Juventusit, Cristiano Ronaldo, ka thënë se ndihet mirënjohës për mesazhet mbështetëse për nënën e tij, e cila është duke e rimarr veten në spital pas një sulmi në tru.

Përfaqësuesi i Portugalisë fluturoi nga Torino drejt vendlindjes, Madeira në Portugali, për ta vizituar të ëmën, Dolores Averiro, e cila ishte dërguar urgjentisht në spital, raporton Gazeta Express.

Aveiro, 65-vjeçare, u pranua në spitalin Dr Nelio Mendonca, ku iu nënshtrua testeve për gjendjen e vet fizike.

Nënës së Ronaldos i ishte hequr një mpiksje gjaku kohë më parë në një arteri. CR7 ka thënë se ajo është në gjendje të qëndrueshme dhe nën mbikëqyrjen e doktorëve.

Faleminderit për të gjitha mesazhe mbështetëse për nënën time. Ajo është në gjendje stabile momentalisht dhe duke e rimarr veten në spital”, ka shkruar Ronaldo në Twitter.

“Unë dhe familja ime e falënderojmë ekipin mjekësor që u kujdes për të dhe me mirësi ju kërkojmë privatësi në këtë kohë”, shtoi ai. /Gazeta Express/

Thank you for all your messages of support for my mum. She is currently stable and recovering in hospital. Me and my family would like to thank the medical team looking after her, and kindly ask that we are all given some privacy at this time.

— Cristiano Ronaldo (@Cristiano) March 3, 2020