Rreziku ndaj ishemisë dhe hemorragjisë cerebrale

Shneta

Gazeta Express

09/12/2021 11:33

Insulti cerebral nuk ka shenja paralajmëruese dhe mund të ndodhë në çdo moment. Njohja dhe parandalimi është rruga më e sigurt për një jetë të gjatë e të shëndetshme.

Aksidenti vaskular cerebral – AVC (insulti cerebral) është ndërprerje e furnizimit me gjak të trurit, gjë që çon në disfunksion neurologjik.

Tipet e AVC AVC ndahen në dy kategori; AVC Ishemike (që përbëjnë rreth 70% të rasteve): qarkullimi i gjakut ndalohet nga bllokimi i enës – nga embolat ( AVC embolik) ose nga trombet (atherotrombotik) AVC Hemorragjike: Rupturimi (Çarja) e një ene gjaku që ushqen trurin me gjak.

Cilat janë shenjat që na ndihmojnë të njohim insultin?

KUJDES! Këto shenja mund të identifikojnë 9 në 10 insulte.

– Fytyra. Fytyra mund të bëhet asimetrike. Personi mund të mos jetë në gjendje të qeshë, ose këndi i buzës mund të bjerë.

– Krahet. Personi që ka kaluar insult cerebral nuk mund të ngrejë të dy krahët dhe t’i mbajë lart për shkak të dobësisë së krahut.

– E folura. E folura mund të jetë e papërshtatshme, ose e pakuptueshme

Kush mbart rrezik për Insult Cerebral?

Në çdo vend të botës AVC është një nga shkaqet e rëndësishme të vdekshmërisë dhe të invaliditetit. Njerëzit që janë mbi 65 vjeç janë ata me rrezik më të lartë për të pësuar AVC, megjithatë 25% e AVC ndodhin në pacientë më të rinj se 65 vjeç. Edhe fëmijët mund të kalojnë AVC. Si grup etnik më të prekurit janë ata me origjinë afrikane, kjo sepse kanë një predispozicion gjenetik për të zhvilluar diabet dhe sëmundje kardiake, dy shkaqe madhore të lidhura me AVC.

Hipertensioni, pirja e duhanit, dieta jo e rregullt, obeziteti dhe konsumimi i madh i alkoolit janë gjithashtu faktorë rreziku për AVC.

Për më shumë informacion, kontaktoni në inbox ose në numrat e telefonit 038 221 661 ose 049 513 513.

Spitali Amerikan, Përqafoje Jetën!

#spitaliamerikan #perqafojejeten

https://www.instagram.com/spitaliamerikanprishtine/?hl=en

/Artikull i sponzorizuar/