Rritja e çmimit të rrymës – Pjesëmarrje e madhe e qytetarëve në protestë: Asnjë cent më shumë

Lajme

Gazeta Express

05/04/2025 15:38

Numër i madh i qytetarëve kanë dal në protestën e sotme të thirrur në Prishtinë për të shfaqur kundërshtimin ndaj shtrenjtimit të rrymës, shkruan Gazeta Express.

Të mbledhur fillimisht përballë Qeverisë në sheshin ‘‘Skënderbe’’, qytetarët më pas janë nisur drejt objektit të Ministrisë së Ekonomisë.

Për këtë protestë organizuesit e protestës iu kanë bërë thirrje qytetarëve që t’i bashkohen kundër shtrenjtimit për 15% të rrymës që u paralajmërua nga Zyra e Rregullatorit Energjik.

Ky shtrenjtim i rrymës mund të hyj në fuqi nga prilli dhe me këtë rritje të çmimit të rrymës mund të rriten edhe çmimet në treg, përfshirë çmimet e bukës, qumështit, vajit e produkteve tjera.

Nga protestuesit janë bartur pankarta me mbishkrimin ‘‘Asnjë cent më shumë’’. /GazetaExpress