Rusia sërish e njofton Serbinë: Protestat mund të intensifikohen dhe të bëhen të dhunshme gjatë Vitit të Ri

Lajme

Gazeta Express

29/12/2023 10:01

Ambasadori i Rusisë në Beograd, Aleksandar Boçan-Kharçenko tha se protestat në Serbi mund të intensifikohen dhe të bëhen të dhunshme gjatë festave të Vitit të Ri dhe Krishtlindjeve.

Protestat nuk kanë mbaruar. Ato do të vazhdojnë. Festat e Vitit të Ri dhe Krishtlindjeve janë një periudhë shumë e rrezikshme”, tha Bochan-Kharchenko për mediat ruse mbrëmë vonë.

Sipas tij, një situatë e tillë “mund të përdoret për intensifikimin e protestave dhe rikthimin në dhunë”.

Bocan-Kharchenko tha për kanalin televiziv Izvestia se situata në Serbi është shumë e brishtë, por se, pavarësisht kësaj, ajo është “nën kontrollin e autoriteteve”.

Ambasadori rus së fundi pas takimit me presidentin e Serbisë tha se presidenti Aleksandar Vuçiq e ka informuar se “Perëndimi qëndron pas trazirave në Beograd”.

Avokati serb, Cedomir Stojkoviç ka reaguar pas dhunës që policia serbe ka ushtruar ndaj protestuesve që  kundërshtojnë zgjedhjet e 17 dhjetorit në Serbi.

Sipas tij, është e drejtë e popullit që të çlirohet. Ai ka ftuar bashkësinë ndërkombëtare që të izolojë urgjentisht regjimin e presidentit të Serbisë, Aleksandër Vuçiç.

Stojkoviç tha se qeveria serbe është një qeveri ruse dhe Aleksndër Vuçiç po bën pikërisht atë që do Vladimir Putin. – Advertisement –

“Qeveria serbe është një qeveri ruse, Vuçiçi i kaloi shërbimeve sekrete ruse informacionet që çuan në ndalimin e protestuesve, pra ka një bashkëpunim mes shërbimeve inteligjente të dy vendeve që çoi në këtë situatë. Këtë e ka thënë vetë Brnabiç që publikisht falenderoi federatën ruse për ndaljen e protestave. Vuçiçi u takua me ambasadorin ruse dhe është takuar me të sa herë ka pasur një krizë në  Beograd”, tha avokati serb.