Saraçini dhe Neziri në burg shtëpiak

Maqedoni

Gazeta Express

13/04/2025 14:01

Ish-ministrat e Ekonomisë, Valon Saraçini dhe Bekim Neziri do të jenë në paraburgim shtëpiak deri në fillimin e gjykimit të rastit të Koçanit, ndërkohë që 30 ditë paraburgim është shqiptuar për ministrin pa resor, Shaban Sali, ish-drejtori i Drejtorisë për Mbrojtje dhe Shpëtim, shkruan gazeta KOHA.

Në paraburgim shtëpiak do të jetë edhe drejtori aktual i Drejtorisë për Mbrojtje dhe Shpëtim, Xhevat Selami. Ndërkohë, pritet që edhe ish-ministrit, aktualisht ambasador i Maqedonisë në Oslo të Norvegjisë, Driton Kuçi, pasi të merret në pyetje, t’i shqiptohet vendimi për paraburgim shtëpiak.