Seancë publike në Gjykatën e Apelit për rastin “Llaskarca”

Maqedoni

Gazeta Express

02/04/2025 13:11

Në Gjykatën e Apelit në Shkup po mbahet seancë publike për rastin e aksidentit të autobusit të “Durmo Turs” në Llaskarcë më 13 shkurt të vitit 2019 në të cilin humbën jetën 16 persona dhe 38 të tjerë u lënduan. Seanca ka filluar me leximin e disa pjesëve të aktgjykimit të shkallës së parë të 24 janarit të vitit 2024, ndërsa më pas pritet që prokurori dhe të akuzuarit të marrin fjalën.

Palët në Apel po përballen pas pakënaqësisë me aktgjykimin e Gjykatës Penale të Shkupit me të cilin u dënuan gjithsej 6 persona. Asnjëri prej të dënuarve nuk e ka pranuar fajin. Sipas aktgjykimit të shkallës së parë, autobusi ka qenë teknikisht i parregullt në aspektin e frenave, ndërsa ka pasur të vendosur manipulues për takografin që të manipulohet shpejtësia e lëvizjes së autobusit.