Sherr në zyrat e PSD në Tiranë, gjenden fishekë, policia në ndjekje të autorëve

Shqiperi

Gazeta Express

29/04/2025 15:28

Një konflikt mes disa personave është regjistruar pasditen e sotme në ambientet e një zyre elektorale të Partisë Socialdemokrate (PSD), në rrugën “Ali Demi” në Tiranë.

Ngjarja ka ndodhur rreth orës 14:00 dhe, sipas policisë, gjatë këqyrjes së vendit janë konstatuar dëmtime në xhamat e zyrës si dhe dy fishekë të paplasur. Nuk raportohet për persona të lënduar.

Personat e përfshirë në konflikt janë larguar me automjet dhe janë në kërkim nga policia. Hetimet po vijojnë për zbardhjen e rrethanave dhe motivit të ngjarjes.