Shpërthim me lëndë plasëse në portën e jashtme të një banese në Tiranë

Shqiperi

Gazeta Express

02/04/2025 11:53

Një sasi lënde plasëse ka shpërthyer në portën e jashte të një banese në Tiranë.

Banesa është në pronësi të shtetasit Tonin Qafa. Ngjarja ka ndodhur rreth orës 00:35, në rrugën “Besnik Hidri”.

Lexo Edhe:

Si pasojë e shpërthimit ka vetëm dëme materiale. Mësohet se është dëmtuar dera e oborrit të banesës, xhamat e banesës si dhe një automjet i parkuar aty pranë.

Sipas burimeve në vitin 2009 Tonin Qafës i është vrarë i vëllai. Nga ky moment familja Qafa me origjinë nga Fushë Arrëzi u shpërngul në Amerikë.

Tonin Qafa ishte kthyer në Shqipëri muajt e fundit. Pistë e policisë mbetet dhe verifikimi i aktivitetit të nipave dhe fëmijëve të Tonin Qafës në Spanjë, pasi dyshohet se janë të përfshirë në trafikun e drogës.