string(67) "shqiptaret-marshim-per-te-mbeshtetur-ukrainen-yuri-kim-iu-bashkohet"

Shqiptarët marshim për të mbështetur Ukrainën, Yuri Kim iu bashkohet

Shqiperi

Gazeta Express

08/04/2022 12:33

Qytetarë shqiptarë së bashku me komunitetin ukrainas janë mbledhur sot në një manifestim për t’u solidarizuar me Ukrainën, e cila është nën agresionin ushtarak të Rusisë.

Pjesë e këtij manifestimi ishin edhe disa atletë ukrainas, të cilët ndodhen në vendin tonë për aktivitete sportive. Një prej tyre shprehu shqetësimin për familjen e tij, e cila ndodhet në Donetsk, në lindje të Ukrainës. Ky rajon është edhe më i goditur nga luftimet, pasi rusët po përpiqen të marrin kontrollin e plotë të lindjes.

Lexo Edhe:

“Familja ime ndodhe në Donetsk në një vend shumë të rrezikshëm dhe është e pamundur të evakuohen. Janë të shkatërruara edhe rrugët dhe jam në shumë merak”, tha ai.

Gjithashtu edhe ambasadorja amerikane Yuri Kim i është bashkuar manifestimit në Tiranë për luftën në Ukrainë. I gjithë marshimi do të vijojë për rreth tre orë.

Pjesë e tij është edhe Ambasadori i Ukrainës në vendin tonë, Volodymyr Shkurov. Në mbështetje të tyre ka edhe shumë qytetarë shqiptarë.