Shtëpia për ditë gëzimi e zie në Gllobar të Drenasit

Gazeta Express

11/03/2020 17:28

Secili fshat ka veçantitë dhe karakteristikat e veta.

Gazetare: Aurora Amerllahu

Një i tillë është edhe fshati Gllobar, i cili është pjesë e komunës së Drenasit.

Aty banorët me vetiniciativë dhe vetëfinancim e kanë ndërtuar këtë shtëpi, e cila u shërben të gjithëve. 

Ky është vendqëndrimi i të gjithë atyre që humbin ndonjë familjar. Pra këtu kryhen të pamet dhe kryefamiljarët presin e përcjellin të gjithë ata që vijnë për kryeshëndosh, raporton emisioni #gjesi në T7.

Muharrem Morina, si më i vjetri i fshatit, kujton kohën kur të pamet zgjatnin me muaj. Pavarësisht që kjo me kohë ka ndryshuar dhe e pamja zgjat një javë ose edhe më pak, sipas tij, shtëpia që e kanë ndërtuar ua ka lehtësuar punën shumë sa i përket pjesës së organizimit.

Ndërsa, sipas Skender Morinës, këtë vend banorët e përdorin edhe për raste gëzimi.

Ndryshe, Gllobari njihet edhe si një prej fshatrave më të pastër. Ndërsa mirëmbajtjen e tij e bëjnë vetë banorët.

Ky vend shfrytëzohet si atraksion edhe për shumë banorë.

Shqetësim për banorët e fshatit mbetet mungesa e trotuareve, pasi, sipas tyre, kjo paraqet rrezik për këmbësorët, sidomos për fëmijët.