Shtyhet seanca për “SterilizimiN” në GJKKO, Ilir Beqaj mungon për arsye shëndetësore

Shqiperi

Gazeta Express

03/04/2025 13:14

Seanca e radhës për çështjen e “Sterilizimit” në Gjykatën e Posaçme Kundër Korrupsionit dhe Krimit të Organizuar (GJKKO) është shtyrë sërish. Shkak për këtë është bërë mungesa e ish-ministrit të Shëndetësisë, Ilir Beqaj, i cili ka njoftuar gjykatën për arsye shëndetësore.

Nëpërmjet një shkrese zyrtare, Beqaj ka kërkuar që seanca të mos zhvillohet pa praninë e tij. Përveç tij, munguan edhe avokati i tij dhe ai i të pandehurit Ilir Rrapaj, duke e bërë të pamundur vijimin e procesit.

Gjykata vendosi që seanca e radhës të zhvillohet më 17 prill, ku pritet që palët të jenë të pranishme për të vijuar me procedurat ligjore.