Simulimi interesant që tregon se çka do të ndodhte po të luanin Michael Jordan e LeBron James së bashku te Chicago Bulls

Sport

Gazeta Express

26/04/2025 16:36

Një simulim interesant është shfaqur online, i cili duket se tregon çfarë do të kishte ndodhur nëse LeBron James do t’i ishte bashkuar Chicago Bulls gjatë kohës së Michael Jordan në NBA. 

Jordan, 62 vjeç, dhe James, 40 vjeç, janë shpesh pjesë e diskutimit për lojtarin më të madh të të gjitha kohërave në NBA, së bashku me emra si Steph Curry dhe Kobe Bryant. 

Megjithatë, Jordan dhe James nuk kanë luajtur kurrë kundër njëri-tjetrit në një ndeshje konkurruese, pasi gjashtë herë kampioni i NBA ka shijuar vitet e tij më të mira me Bulls midis 1991 dhe 1998, para një periudhe dyvjeçare te Ëashington Ëizards midis 2001 dhe 2003. 

Ndërkohë, LeBron aktualisht luan për LA Lakers dhe ka fituar katër tituj gjatë karrierës së tij me Lakers, Miami Heat dhe Cleveland Cavaliers. 

Por çfarë do të kishte ndodhur nëse ata do të kishin luajtur në të njëjtën epokë dhe madje në të njëjtin ekip? 

LeBron zakonisht luan si small forëard/poëer forëard dhe do të konkurronte me Scottie Pippen dhe Horace Grant në kulmin e suksesit të Bulls në vitet ’90. 

Duke folur në PBD Podcast, Pippen, 59 vjeç, shpjegoi se si Jordan do të ishte përshtatur edhe më mirë në lojën moderne. 

“Mbani mend, në epokën e Michael dhe timen, loja ishte shumë fizike, ndeshje me 85 deri në 90 pikë – krejt ndryshe,” tha Pippen. 

“Në lojën e sotme, po shohim disa ndeshje që arrijnë në 130, 140 pikë. Prandaj mendoj se Michael do të kishte lulëzuar duke qenë i lirë, pa pengesën e fizikalitetit të vazhdueshëm që kishte në atë kohë.” 

Ai shtoi: “Kur i shikon lojtarët e sotëm, si LeBron, nuk ka vërtet krahasim në aspektin e nivelit të konkurrencës… Michael e grumbulloi gjithë konkurrencën dhe e shpërfaqi për botën. 

Në 12 deri 14 vjet, ne pamë gjithë rezymenë e tij, konkurrencën, dëshirën dhe vullnetin për të fituar. Ndërkohë që dikush si LeBron duhet ta përhapë këtë përgjatë 20 vjetëve, nuk është e njëjta luftë, e njëjta dëshirë, e njëjta uri.” 

Megjithatë, një simulim i realizuar nga MED përpiqet të parashikojë çfarë do të kishte ndodhur nëse LeBron do të nënshkruante me Bulls në vitin 1989. Dhe, në mënyrë befasuese, simulimi tregoi që James do ta përfundonte karrierën me pesë çmime MVP (Lojtari më i Vlefshëm), në krahasim me tre të Jordanit. LeBron gjithashtu fitoi katër çmime FNVP (Lojtari më i Vlefshëm i Finaleve), ndërsa Jordan gjithashtu katër. 

Së fundmi, James foli për marrëdhënien e tij me Jordan gjatë një interviste në Pat McAfee Shoë në mars. 

“Ne nuk flasim,” pranoi James. “Sepse unë jam ende duke luajtur. Jam ende i fokusuar te zanati im.” 

Ai shtoi: “Mendoj se është për shkak se jam ende në fushë. Dhe MJ, të gjithë e dimë çfarë karakteri është. Edhe nëse nuk e njeh personalisht, ai është një nga konkurrentët më të pamëshirshëm që ekziston, dhe derisa të tërhiqem dhe ai të mos ketë më përballë emrin dhe numrin 23 duke vrapuar lart e poshtë, gjithmonë kur përmendet emri im, përmendet edhe me të.”/GazetaExpress/