Sonte “Derby della Madonnina”, Interi e Milani në kërkim të finales së Kupës

Futboll

Gazeta Express

23/04/2025 15:52

Interi dhe Milani do të përballen sonte në ndeshjen e kthimit gjysmëfinale të Kupës së Italisë.

“Nerazzurri” dhe “Rossoneri” barazuan në duelin e parë gjysmëfinal me rezultat 1:1, shkruan “Gazeta Express”.

Ndërsa sonte, në ndeshjen që do të nisë prej orës 21:00, dy ekipet e synojnë biletën që çon në finalen e madhe të këtij trofeu prestigjioz.

Të dy ekipet do të kenë mungesa, por jo të lojtarëve kryesorë, prandaj edhe “Derby della Madonnina” sonte pritet të jetë mjaft i zjarrtë.

Në gjysmëfinalen tjetër, nesër mbrëma do të përballen Bologna me Empolin.

Lojën e parë e kishin fituar bolognezët në udhëtim me rezultat të pastër, 3:0, prandaj edhe shihen si favoritë absolutë për ta prekur finalen. /Gazeta Express