Sot vranësira e reshje shiu, të dielën pritet bora

Lajme

Gazeta Express

04/04/2025 7:02

Më shumë vranësira po parashihen mbi vend ditën e premte. 

Nga orët e para të ditës priten reshje shiu kohë pas kohe.  Lokalisht mund të jenë pak më intensive.  Erërat veriore frynë lehtë dhe mesatarisht 3-6m/s. Temperaturat minimale zbresin në 4C e 7C, e ato maksimale gjatë ditës shkojnë deri në 11C e 13C.

Intervale më të shpeshta me diell parashihen ditën e shtunë, megjithëse mbeten mundësi për zhvillime të rigave lokale të shiut gjatë ditës.  Temperaturat maksimale shënojnë rritje deri në 16C e 18C.  Të dielën përkeqësim i përnjëhershëm i motit.  Fillimisht reshje të shiut kalojnë mbi vend, që me rënie të temperaturës pranë 0C, shndërrohen edhe në dëborë.  Deri në mbrëmje reshjet pushojnë.  Nga e hëna mot i thatë, më stabil, sa me intervale me diell e sa me vranësira.

Minimalet zbresin deri në -4C, e të martën maksimalet shënojnë rritje deri në 7C.  Fryn erë veriore e verilindore e lehtë dhe mesatare 5-12m/s.