SPAK dhe gjykata përplasen në Apel për Olta Xhaçkën

Shqiperi

Gazeta Express

25/04/2025 11:18

Prokuroria e Posaçme ka ankimuar në Apelin e Posaçëm Antikorrupsion vendimin e Gjykatës së Posaçme, e cila urdhëroi regjistrimin e një procedimi penal për ish-ministren Olta Xhaçka dhe bashkëshortin e saj, Artan Gaçi. SPAK ka kërkuar që të vazhdohet hetimi në lidhje me aktivitetet e Gaçit, përfshirë dyshimet për përfshirje në falsifikimin e dokumenteve dhe përfitimin e pasurisë, si dhe për hetimin ndaj Xhaçkës për shpërdorim detyre.

Në ankimimin e depozituar, SPAK sqaron se ka kryer hetime të shumta dhe se ka dyshime se Artan Gaçi mund të ketë pasur njohuri për dokumentet e falsifikuara që janë përdorur për të përfituar truall. Për sa i përket Olta Xhaçkës, Prokuroria thotë se nuk ka prova që lidhen drejtpërdrejt me përfitimin e trojeve të sekuestruara.

Ky zhvillim pason një vendim të mëparshëm të Gjykatës së Posaçme për të hetuar Artan Gaçin për veprat penale “Falsifikimi i dokumenteve” dhe “Pastrim parash”, ndërsa Xhaçka është nën hetim për shpërdorim detyre. Çështja e hetuar nga prokuroria është kaluar në filtrin e gjykatës gjatë seancës paraprake të çështjes penale nr. 189/2023.