Sulm me thikë në Hagë, plagosen disa persona

Gazeta Express

29/11/2019 20:59

Disa persona janë plagosur në mbrëmjen e së premtes gjatë një sulmi me thikë, në një zonë tregtare në Hagë, Holandë.

Lajmin, që e transmetojnë mediat ndërkombëtare, e ka konfirmuar policia holandeze.

Shërbimet emergjente të qytetit kanë shkuar menjëherë në vendin e ngjarjes.

Policia është duke e kërkuar një mashkull të dyshuar, të moshës ndërmjet 45 dhe 50 vjeçare.

Gjendja e të plagosurve tash për tash nuk dihet, e as motivi prapa sulmit.

Sulmi në Holandë ka ndodhur vetëm disa orë pasi një burrë ka therur me thikë disa persona në Londër.

Ky sulmues është vrarë më pas nga policia e Londrës, kanë bërë të ditur zyrtarët, të cilët rastin e therjeve e kanë cilësuar si akt terrorist.