Surprizat e pritjes së ëmbël, Sara Gjordeni ka një mesazh për fansat

Rozë

Gazeta Express

29/06/2024 20:51

Ish-banoren e “Big Brother VIP3”, Sara Gjordeni, prej disa javësh e kemi parë çdo të diel në ekranin e Top Channel. Ajo është pjesë e jurisë së “She’s on Top” së bashku me Françeska Muratin.

Sara është mjaft e drejtpërdrejtë në gjykimin e vajzave konkurrente. Madje ajo që të gjithë kanë vënë re është fakti se Gjordani dhe Murati herë pas here kanë mendime të njëjta.

Duket se vajzat janë duke lënë pas hatërmbetjet që kanë patur brenda shtëpisë më të famshme në Shqipëri, ku kanë patur edhe përplasje të forta.

Mirëpo ditën e sotme, Sara ka bërë një lajmërim përmes një postimi në “Instastory”. Ajo tregon se nesër nuk do t’a shikoni në “She’s on Top”, pasi për të ka qenë e pamundur që të shkojë në xhirimet e fundit.

“Bebalusja ime byçlëvizur vendosi që të mos isha në xhirimet e fundit të She’s on Top, ndaj nuk do të më shihni nesër në puntatën e radhës”, ka shkruar Sara në postimin e saj.